(現在才補回日本之行的網誌，一來由於收齊相片需時，二來，很重要的，因為懶)
時間： 2009年3月28日-4月1日
地點：大阪、京都@日本
同行者：朋友Y、朋友Joe (朋友明仔甩左底，朋友joe怪我地無慫恿到佢買野)
錢駛得不多，但吃得尚算豐富。
預備出發
1) 話就話係自由行，不過朋友Y與朋友Joe都是搞開活動之人，所以我仍是執好背囊等出發就夠了。
2) 預定凌晨5點到機場check-in，時間唔拖唔水咁，因此大伙決定去打通宵麻雀。
3) 早上6點幾到達機場，check-in位置仍是大排長龍之餘，係唔郁架...
4) 成班旅客與有關職員擾攘了個幾兩個鐘，職員話：機件故障，班機要extend 12個鐘！
5) 頂！無左日行程，又無左日假，個死人頭仲大大聲話只係無左半日！仲要只係賠返2張total幾廿蚊的餐卷！安排間酒店又鬼死咁遠！
6) 成班人鬧完一輪，day 1行程仍然要在香港國際機場渡過。
7) 為了配合日本之行的心情，我們的晚餐選吃了壽司。
8) 最後，幸好班機沒有再extend，我們在凌晨點幾2點到達目的地。(原定時間為下午2點)
嵐山架小火車入面隻「鬼」整喊細路之後會變做多啦A夢。
京都遊
1) 行程變左4日3夜，於是京都之行迫不得已地cut左日，沒去金、銀閣寺，也沒去手塚治虫博物館。
2) day 2一早搭地鐵到嵐山，首先要學買飛同入閘。
3) 原本以為去嵐山行山，原來只係去睇山....
4) 睇完嵐山，食埋lunch，就即刻殺過去地主神社。(因為朋友joe要趕在它關門前買個戀愛御守)
5) 但最後圍住御守攤檔團團轉的是朋友y，她太多手信要買。
6) 買了御守，逛埋清水寺，飲過清水寺的泉水。然後，順應朋友y的要求，等睇夜櫻。
7) 等等等......等左勁耐都係得一條光柱射向天....勁凍，唔等啦，撇！
澡堂入面有個人工的露天風呂，得個天窗；又有個Pluse Bath，一坐低就震到你彈開。
大阪遊
1) day 3首站先到日清博物館自製杯麵。整左2個杯麵，一個「竹林深處」送畀人，另一個「麻鷹捉雞仔」自己食。
2) 去了道頓堀醫肚，餐蟹食左勁耐，搞到要趕趕趕咁趕去大阪城公園入面個天守閣。
3) 然後又要趕住去個唔多通天ge通天閣....
4) 回道頓堀那個即將清拆的民初街吃飯；接著又趕頭趕命咁去個空中花園。(好彩個夜景唔錯)
5) 一輪趕趕趕後，回到酒店，雙腳報銷。day 4一起身，差d行都行唔倒，「欄」左入浴室開缸熱水浸腳。
6) 去到黑門市場(我叫佢做黑市)時差唔多要收市，不過都仲有好多又平又正ge刺身，最緊要係有河豚食。
7) 之後ge活動就係去outlet同心齋橋度shopping & shopping....(幸好對腳算生性)
8) 由於地鐵11點幾就收工，朋友y趕唔切去浸溫泉，最後陪左佢去更有日本風味的澡堂；至於朋友joe就唔知佢去左邊啦，不過附近有好多適合單身寡仔去而女士又唔入得ge地方...
在日本買手信，十之八九都係「乜乜限定」同「物物限定」。
